Worsies, ham en groente in een kastrol

Perfek vir ‘n weeksaand – vinnig, maklik en lekker!

4 tot 6 porsies

 

bietjie olie

3 75 g (1 pakkie) gerookte spekworsies

(Enterprise)

375 g (½ blok) ham, in blokkies gesny

2 uie, fyngekap

10 ml (2 t) vars knoffel, gekap

2,5 ml (½ t) droë pietersielie

1 selderystingel, fyngekap

312 ml (1¼ k) rou witrys

5 ml (1 t) borrie

812 ml (3¼ k) warm hoenderaftreksel

1 rooi soetrissie, ontpit en in blokkies

gesny

1 groen soetrissie, ontpit en in blokkies

gesny

250 ml (1 k) bevrore pitmielies

sout en gemaalde swartpeper na smaak

 

1. Verhit bietjie olie en soteer worsies tot amper gaar. Voeg hamblokkies by en soteer drie minute. Skep uit en hou eenkant.
2. Verhit nog olie indien nodig. Soteer uie, knoffel en pietersielie tot uie sag is. Voeg seldery by en soteer nog twee minute.
3. Voeg rys en borrie by tot gemeng. Voeg hoenderaftreksel by. Prut rys oor matige hitte vir 25 minute.
4. Voeg soetrissies en bevrore pitmielies by rys. Kook vir nog vyf minute of tot rys sag is en vloeistof geabsorbeer is.
5. Skep worsies en ham terug by rys in kastrol. Roer deur en kook vir drie minute. Indien nodig, kan jy nog bietjie kookwater byvoeg as rys te droog word.