Warm sagopoeding

Maak ’n sagopoeding wat almal tevrede sal stel

Deur MARLO KITSHOFF-CARSTENS en SUZANNE CROZIER

4 porsies

Bestanddele

250 ml (1 k) sago
312 ml (1 ¼ k) water
750 ml (3 k) volroommelk
1 ml sout
2 ekstragroot eiers, geskei
187 ml (¾ k) suiker
2,5 ml (½ t) vanieljegeursel

LEES OOK: Pepermentpoeding met net 4 bestanddele

Metode

1. Week sago vir twee ure in water.
2. Verhit melk en sout saam in kastrol tot warm.
3. Gooi sago by warm melk. Verhit tot kookpunt oor matige hitte terwyl gereeld geroer word.
4. Draai stoofplaat se hitte laer en prut oor lae hitte tot sago sag en deurskynend is, ongeveer 15 minute. Roer gereeld sodat mengsel nie brand nie.
5. Roer eiergele en suiker saam. Roer vinnig by warm sagomengsel.
6. Prut nog vier minute terwyl geroer word. Verwyder van stoofplaat.
7. Roer vanieljegeursel by.
8. Klits eierwitte met elektriese klitser tot stywepuntstadium en vou by sagomengsel in.
9. Skep in bakkies en sit warm saam met gouestroop voor.