Warm groente-en-lensie-slaai met avokadoslaaisous

Jy kan ook hoenderstukkies braai en by hierdie warm groente-en-lensie-slaai met avokadoslaaisous voeg

4 porsies

Bestanddele

3 wortels, in ringetjies gesny
olie
5 ml (1 t) fyn komyn
sout en peper
4 bete, in agtstes gesny
250 ml (1 k) lensies
500 ml (2 k) hoenderaftreksel
1 eiervrug, in blokkies gesny
150 g (1 pak) roketblare
80 ml (1/3 k) gevlokte amandels
SOUS
1 avokado
100 g (1 rolletjie) bokmelkkaas
60 ml (¼ k) melk

Metode

Stel oond op 180 ˚C.

1. Meng wortels met bietjie olie en sprinkel met komyn, sout en peper. Sit op bakplaat.
2. Meng beet met bietjie olie en sprinkel met sout en peper.
3. Kook lensies in aftreksel tot sag, dreineer en hou eenkant.
4. Braai eiervrug tot sag.
5. Pak roketblare in opdienbord gevolg deur groente, lensies en amandels.
6. Sous Maak avokado met vurk fyn en meng met kaas en melk. Skep oor slaai en bedien dadelik.