Geroomde vispasta

Het jy al ooit vispasta gemaak of geëet? Dis heerlik! Gebruik hierdie resep en maak dit vanaand

4 porsies

Bestanddele

500 g (1 pak) fettuccine

GEROOMDE VIS

500 ml (2 k) room

125 ml (½ k) water

½ blokkie visaftreksel

500 g (1 pak) vissteaks

15 ml (1 e) koekmeel

30 ml (2 e) volroommelk

knypie knoffelsout

30 ml (2 e) vars pietersielie, fyngekap

vars dille (opsioneel)

LEES OOK: Vinnige jogurtvis

Metode

1. Verhit water waarby bietjie sout en olie gevoeg is tot kookpunt en kook pasta tot al dente. Dreineer en roer bietjie ekstra olie deur pasta sodat dit nie aan mekaar kleef nie. Hou eenkant warm tot benodig.
2. Plaas room, water, aftreksel en vis in kastrol en verhit oor matige hitte. Prut vis vir 15 minute vandat roommengsel begin kook het.
3. Meng koekmeel, melk en knoffelsout tot gladde pasta en roer by roommengsel. Voeg pietersielie by en prut vir nog vyf minute.
4. Skep vis op pasta en sit saam met vars dille (opsioneel) voor.