Tradisionele bobotie

Wanneer laas het jy tradisionele bobotie gemaak?

4 porsies

Bestanddele

bietjie olie
1 ui, gekap
5 ml (1 t) fyn knoffel
5 ml (1 t) vars gemmer, gerasper
500 g maalvleis
10 ml kerriepoeier
5 ml (1 t) borrie
2 snye brood
30 ml (2 e) melk
30 ml (2 e) appelkooskonfyt
10 ml (2 t) rysasyn
80 ml (1/3 k) rosyntjies
4 eiers
80 ml (1/3) melk

Metode

Verhit oond tot 180 °C.

1. Verhit olie en braai uie, knoffel en gemmer tot sag.
2. Skep uie uit en braai maalvleis tot bruin.
3. Gooi uie en geurmiddels terug by vleis, laat goed braai.
4. Laat brood in melk week tot sag.
5. Voeg broodmengsel, appelkooskonfyt, asyn en rosyntjies by maalvleismengsel. Roer goed. Geur met sout en peper.
6. Skep maalvleismengsel in oondbak.
7. Klits eiers en melk saam en gooi oor maalvleismengsel.
8. Bak vir 20 minute of tot eier gestol is.