Teetydkoekies

Hierdie koekies is amper te mooi om te eet!

12 koekies

VLAVULSEL

500 ml (2 k) volroommelk

30 ml (2 e) botter

125 ml (½ k) suiker

knypie sout

45 ml (3 e) koekmeel

60 ml (4 e) mielieblom

2 ekstragroot eiers

60 ml (4 e) ekstra volroommelk

2,5 ml (½ t) vanieljegeursel

BUITEKANT

2 gekoopte vanieljesponskoeke

400 g (2 pakkies) sponsvingers

ongeveer 10 cm lint vir elke koekie

vars vrugte vir afronding

 

1. Verhit melk, botter, suiker en sout saam in kastrol.
2. Meng koekmeel en mielieblom.
3. Klits eiers en melk. Voeg stadig by meelmengsel tot gemeng.
4. Voeg bietjie van warm melk by en roer tot glad en sonder klonte. Gooi hierdie mengsel terug by warm melk in kastrol.
5. Roer gedurig en verhit tot kookpunt tot vulsel verdik.
6. Roer vanieljegeursel by. Laat bietjie afkoel en plaas kleefplastiek bo-oor vulsel sodat dit nie ’n vel vorm nie. Laat heeltemal afkoel.
7. Buitekant Gebruik koekiedrukker met ’n deursnee van 6 cm of 7 cm en druk sirkels koek daaruit. Dit moet omtrent 2 cm hoog wees. Sny koeklae dunner indien nodig. Plaas koeksirkels entjies uitmekaar op bakplaat.
8. Sny vingerkoekies in helfte en plak dit met ’n bietjie van vlamengsel rondom koeksirkels met gesnyde gedeelte onder.
9. Skep genoeg vulsel in elke holte. Plaas in yskas tot benodig.
10. Sit met vars vrugte voor.

WENK

Bind ’n stukkie lint om elke koekie om dit stewig te hou