Die aktrise Angelique Pretorius is gek na kosmaak en sê dit is vir haar ’n kreatiewe uitlaatklep. Sy hou van tuisgemaakte pasta met basiliekruidpesto, spek, tamaties en dennepitte en eet graag pizza.

Kormahoender

6 porsies

olie

800 g hoenderborsies, in 3 cm-repies gesny

30 g vars koljander

2 uie, gekap

1 vars groen brandrissie, fyngesny

duimgrootte vars gemmer, fyngesny

400 g (1 blikkie) kekerertjies, gedreineer

400 ml (1 blikkie) klappermelk

150 g amandelsplinters

45 ml (3 e) fyn klapper

KERRIESOUS

10 ml (2 t) komynsade, gebraai

5 ml (1 t) koljandersade, gebraai

2 knoffelhuisies duimgrootte gemmer

2,5 ml (½ t) rooipeper

5 ml (1 t) garam masala

2,5 ml (½ t) growwe sout

30 ml (2 e) neutolie

30 ml (2 e) tamatiepuree

2 vars groen brandrissies

45 ml (3 e) fyn klapper

30 ml (2 e) amandelsplinters

OPDIENING

500 g jogurt

10 ml (2 t) suiker

sap van 1 suurlemoen

250 g gaar basmatirys

poppadoms

koljanderblare

1 Braai hoenderstukkies tot ligbruin en skuif na kant van pan.

2 Pluk koljanderblare af en sny stingels fyn.

3 Voeg koljanderstingels, uie, brandrissie en gemmer by en roerbraai vir 10 minute.

4 Kerriesous Braai komyn- en koljandersade en maal dit fyn met ander sousbestanddele.

5 Voeg kerriesous, kekerertjies, klappermelk, helfte van amandels en fyn klapper by hoenderstukkies. Meng en laat vir 30 minute prut. Skep kerrie in bak en gooi oorblywende amandelsplinters oor.

6 Opdiening Meng jogurt, suiker en suurlemoensap apart in bakkie.

7 Bedien kerrie met jogurtmengsel, basmatirys, poppadoms en vars koljanderblare.