Skotse eiers

As jy al Skotse eiers geëet het sal jy weet dat dit eintlik baie lekker is! Maak jou eie met dié resep

8 porsies

Bestanddele

600 g boerewors, ontvel
187 ml (¾ k) vars broodkrummels
45 ml (3 e) blatjang
knypie sout en peper
8 hardgekookte eiers
125 ml (½ k) koekmeel
1 eier, geklits
375 ml (1½ k) gekoopte droë krummels
750 ml (1 bottel) olie

Metode

1. Meng vleismengsel, broodkrummels, blatjang, sout en peper.
2. Dop hardgekookte eiers af.
3. Verdeel vleismengsel in agt dele en vorm rondom eiers.
4. Plaas koekmeel, geklitste eier en droë broodkrummels in aparte vlak bakkies en rol die eier om die beurt in koekmeel, eier en krummels.
5. Verhit genoeg olie en braai eiers tot goudbruin.
6. Skep uit en plaas op kombuispapier om oortollige olie te absorbeer. Laat afkoel.
7. Verpak in geskikte bak.