Sjokolade-Coca-Cola-koek

Bak ’n heerlike klam koek met die landse gunstelingkoeldrank

1 koek

500 ml (2 k) koekmeel

90 ml (6 e) kakao

10 ml (2 t) bakpoeier

knypie sout

2 ekstragroot eiers

250 ml (1 k) strooisuiker

250 ml (1 k) suurroom

250 ml (1 k) Coca-Cola

2,5 ml (½ t) vanieljegeursel

VERSIERSEL

60 ml (4 e) botter

20 ml (4 t) kakao

75 ml (5 e) Coca-Cola

625 ml (2½ k) versiersuiker, gesif

45 ml (3 e) pekanneute, grofgekap

1 Sif koekmeel, kakao, bakpoeier en sout saam.

2 Klits eiers en strooisuiker saam tot liggeel, ongeveer 4 minute.

3 Meng suurroom, Coca-Cola en vanieljegeursel by.

4 Skep beslag in ronde, tuitvormige koekpan van 26 cm in deursnee wat goed met kossproei gespuit is.

5 Bak vir 40 minute of tot toetspen skoon uitkom.

6 Versiersel Smelt botter en kakao saam in kastrol oor lae hitte. Roer gedurig sodat mengsel glad is.

7 Roer Coca-Cola by tot gemeng. Voeg versiersuiker bietjies op ’n slag by en roer tot glad. Voeg nog gesifte versiersuiker by indien versiersel te pap is. Dit moet drupbaar wees, maar nie vloei nie.

8 Skep versiersel bo-oor koek en sprinkel pekanneute bo-oor.