Eiers is vullend en vol gesonde omega’s

Deur MARLO KITSHOFF-CARSTENS en SUZANNE CROZIER

Foto’s ELMARIE KNAPTON

4 porsies

4 eiers

15 ml (1 e) witasyn

KRUMMELKORS

750 ml (1 bottel) olie

2 eiers

375 ml (1 ½ k) gekoopte droë broodkrummels

1 Verhit klein kastrolletjie halfvol met water. Voeg witasyn by en verhit tot water net wil begin borrel.

2 Breek eier in koppie en laat gly stadig in baie warm water.

3 Posjeer eier in kokende water vir vyf minute, skep met gaatjieslepel uit en plaas in bord.

4 Doen dieselfde met oorblywende eiers.

5 Krummelkors Verhit olie in medium grootte kastrol tot goed warm.

6 Plaas geklitste eiers in vlak bakkie.

7 Plaas broodkrummels in vlak bakkie.

8 Doop posjeerde eier versigtig in geklitste eier en dan in krummels.

9 Doop gekrummelde geposjeerde eier weer in gekliste eier en dan weer in krummels. Die proses word twee keer herhaal.

10 Braai gekrummelde eiers een op ‘n slag tot goudbruin buiteom.

11 Sit saam met slaai vir middagete voor.

Wenk

* Is dit vars of oud?

Om te toets of ‘n eier vars is, plaas dit in ‘n glas met koue water. ‘n Vars eier sal afsak na onder en die ou een sal opstyg na bo. Soos wat ‘n eier ouer word vergroot die lugborrel wat veroorsaak dat die eier dryf.