Reënboogkoek

Al verjaar niemand nie, maar jy soek steeds rede om koek te bak, is die lente die regte tyd vir ’n reënboogkoek

Deur MARLO KITSHOFF-CARSTENS
Assistent SUZANNE CROZIER

1 groot koek

Bestanddele

4 ekstragroot eiers
250 ml (1 k) strooisuiker
500 ml (2 k) koekmeel
10 ml (2 t) bakpoeier
1 ml sout
250 ml (1 k) louwarm melk
60 ml (4 e) olie
2,5 ml (½ t) vanieljegeursel
6 verskillende jelkleursels
Versiersel
3 75 g (¾ blok) wit Wooden Spoonmargarien
by kamertemperatuur
1,5 kg (12 k) versiersuiker, gesif
2 ml bakpoeier
125 ml (½ k) volroommelk
7,5 ml (1½ t) vanieljegeursel

LEES OOK: Ryk sjokoladekoek

Stel oond op 180 °C.

Metode

1. Klits eiers en strooisuiker tot liggeel en donserig.
2. Sif koekmeel, bakpoeier en sout saam.
3. Meng melk, olie en vanieljegeursel.
4. Roer meelmengsel en melkmengsel beurtelings by geklitste eiermengsel tot gemeng.
5. Verdeel beslag so gelyk moontlik tussen drie mengbakke.
6. Kleur elke mengbak met ander jelkleursel. Roer beslag tot net gemeng.
7. Voer drie ronde koekpanne met 20 cmdeursnee met bakpapier uit. Spuit met kossproei.
8. Giet gekleurde beslag in drie voorbereide koekpanne.
9. Bak vir 18 tot 20 minute of tot toetspen skoon uitkom.
10. Laat koeke bietjie in koekpanne afkoel en keer op afkoelrakkie uit om heeltemal af te koel.
11. Maak nog ’n koekbeslag aan. Verdeel weer tussen drie mengbakke. Kleur met orige drie jelkleursels.
12. Versiersel Room margarien, ongeveer vyf minute.
13. Meng versiersuiker en bakpoeier. Skep ongeveer 500 ml (2 k) van versiersuiker by margarienmengsel.
14. Voeg melk en vanieljegeursel by margarienmengsel. Klits met elektriese klitser tot pofferig, ongeveer vier minute.
15. Voeg versiersuikermengsel bietjies op ’n slag by en hou aan klits tot goed gemeng, ongeveer drie minute. Hoe meer jy klits, hoe pofferiger is dit.
16. Begin met pers koeklaag en sit dit op geskikte koekbord.
17. Gebruik maatkoppie, skep 80 ml (1/3 k) versiersuiker en gebruik dit tussen elke gekleurde koeklaag.
18. Gebruik foto vir aanwysings vir verskillende koeklae. Hou so aan tot al die koeklae opgebruik is.
19. Gebruik orige versiersuiker om buitekant van koek mee te versier.
20. Sny in dun skyfies en sit voor.