Ray Dylan se filet

Die gewilde sanger Ray Dylan sê hy is gek na kos maak en onthaal. Hy deel sy resep vir ’n filet met ons

4 tot 6 porsies

Bestanddele

60 ml (4 e) suurlemoensap

60 ml (4 e) olyfolie

1 kg beesfilet sout na smaak speserye na smaak

300 g mozzarellakaas, in skywe gesny

KNOFFEL-EN-PEPER-SOUS

187 ml (¾ k) volroommelk

250 ml (1 k) room

38 g (1 pakkie) Creamy Garlic-sous van Knorr

38 g (1 pakkie) Black Pepper-sous van Knorr

LEES OOK: Filet in foelie

Metode

1. Meng suurlemoensap en olyfolie saam in glasbak.
2. Plaas filet daarin en marineer vir 20 minute.
3. Plaas filet op rooster oor warm kole en verf gereeld met oorblywende suurlemoen-en-olie-mengsel.
4. Geur na smaak met sout en speserye.
5. Knoffel-en-peper-sous Verhit melk en room saam in kastrol tot warm.
6. Voeg souspoeier by en roer vinnig met ballonklitser sodat dit nie klonte vorm nie.
7. Laat vir 1 minuut prut en verwyder van stoofplaat. Bedek en hou eenkant tot filet gaar is.
8. Wanneer filet halfpad gaar is, plaas mozzarellakaas op en laat smelt.
9. Verwyder van vuur en sit warm voor saam met knoffel-en-peper-sous, asook bykosse soos verkies.