Pizzarolletjies maak heerlike happies!
4 porsies/20 rolletjies
Bestanddele
1 pak brooddeeg
45 ml (3 e) tamatiepasta
100 g salamistukke
200 g mozzarellakaas, gerasper
Metode
Stel oond op 200 ˚C.
- Rol brooddeeg uit om groot reghoek te maak.
- Smeer tamatiepasta oor.
- Pak salami eweredig op deeg.
- Sprinkel kaas oor.
- Rol deeg op om een groot rol te maak.
- Sny in wielietjies van omtrent 2 cm en pak op gesmeerde bakplaat uit.
- Bak vir 30 minute of tot goudbruin en gaar.
