Deur MARLO KITSHOFF-CARSTENS Foto ELMARIE KNAPTON

Peerlekkerte

4 porsies

6 gedroogde pere, fyngekap

60 ml (4 e) brandewyn

15 ml (1 e) water

30 ml (2 e) suiker

410 g (1 blik) peerhelftes

150 g (1. plak) bruinsjokolade

30 ml (2 e) pistasieneute, grofgekap

1 l roomys

1 Sit pere, brandewyn, water en suiker in glasbak. Verhit in mikrogolf vir 90 sekondes op hoog. Laat afkoel.

2 Dreineer pere, maar behou stroop. Sny pere in dunner skyfies.

3 Verhit 60 ml stroop van pere op stoof en breek sjokolade daarin. Roer gereeld tot sjokolade opgelos is.

4 Verwyder sjokoladestroop van stoofplaat en laat bietjie afkoel.

5 Skep roomys in bakkies. Skep peerskywe, sjokoladesous en peerstukkies op en sprinkel pistasieneute oor.