Hierdie hoender met tamatiesous is lekker en vinnig om te maak vir aandete!
2 porsies
Bestanddele
2 hoenderborsies
skyfie fetakaas
sout en peper
bietjie olie en botter
½ ui, in ringetjies gesny
150 g (½ bottel) tamatiepastasous
handvol vars basiliekruid
Metode
- Maak klein horisontale snytjie in hoenderborsie. Druk feta in sny in. Maak seker vleis raak aan mekaar by snytjie. Geur met sout en peper.
- Verhit olie en botter en braai ui tot sag. Skep uit en braai hoender tot bruin.
- Gooi uie en tamatiesous by hoender en laat kook tot hoender gaar is.
- Bedien met vars basiliekruid en pastarys.
