Mexikaanse eiergereg

Hierdie Mexikaanse eiergereg kan as ontbyt of aandete gemaak word

4 porsies

Bestanddele

1 ui, gekap
5 ml (1 t) knoffel
5 ml (1 t) paprika
knypie rooipeper
5 ml (1 t) fyn komyn
5 ml (1 t) fyn koljander
500 g maalvleis
2 groot aartappels, in blokkies gesny
1 blik tamatiesmoor met rooirissie
4 eiers

Metode

1. Braai ui, knoffel, speserye en maalvleis tot vleis bruin is.
2. Roer aartappels en tamatiesmoor by maalvleismengsel. Kook tot aartappel amper sag is.
3. Stel oond op 180 °C. Skep maalvleismengsel in groot oondbak.
4. Maak vier gaatjies in maalvleismengsel en breek ’n eier in elke gaatjie.
5. Bak vir 20–30 minute of tot eier gaar is volgens jou smaak.