Maklike lamskenkels

Lamskenkels is altyd ‘n treffer. Bederf jou mense met hierdie lekker resep

4 porsies

1 ui, gekap

5 ml (1 t) vars knoffel, gekap

410 g (1 blik) gekapte tamaties

375 ml (1½ k) beesvleisaftreksel

375 ml (1½ k) rooiwyn

knypie droë roosmaryn

knypie droë pietersielie

1 lourierblaar

1 ml sout

swartpeper na smaak

15 ml (1 e) ligte bruinsuiker

4 groot lamskenkels

Stel oond op 180 °C.

1. Giet ui, knoffel, tamaties, beesvleisaftreksel en rooiwyn saam in diep oondbak.
2. Roer roosmaryn, pietersielie, lourierblaar, sout, peper en bruinsuiker daarby.
3. Sit skenkels in. Plaas deksel op en bak vir 2-2 ½ uur in oond.
4. Kyk gedurende baktyd of nog vloeistof nodig is. Vul vloeistof met water aan indien nodig.
5. Skep soveel moontlik van sous af. Verhit sous oor matige hitte in kastrol sonder deksel tot sous afgekook het en effens verdik is.
6. Proe en voeg nog sout en peper by indien nodig. Giet sous weer oor skenkels en bak nog 20 minute tot deurwarm.
7. Sit warm saam met koeskoes of kapokaartappels voor.