Maak ‘n maklike aandete vanaand –
maalvleis-en-patat-pastei
2 porsies
Bestanddele
bietjie olie
1 ui, gekap
1 knoffelhuisie, gekap
500 g maalvleis
10 ml (2 t) vleisspeserye
15 ml (1 e) blatjang
420 g (1 blik) gekapte tamaties
1 patat, in skyfies gesny
Metode
Verhit oond tot 180 ˚C.
- Verhit olie en braai ui en knoffel tot sag. Skep uit en hou eenkant.
- Braai vleis tot bruin en geur met speserye. Gooi uiemengsel terug.
- Gooi blatjang en tamaties by maalvleis en laat kook tot effe dikker.
- Skep mengsel in oondbak. Pak patatskyfies bo-op. Bak vir 30 minute of tot patats gaar is.
