Korslose souttert met spek en worsies

Met ’n lekker stukkie souttert het jy sommer vinnig ’n smaaklike middagete

Deur MARLO KITSHOFF-CARSTENS
Foto ANDREA CALDWELL

6 tot 8 porsies

Bestanddele

klont botter
1 ui, fyngekap
5 ml (1 t) vars knoffel, gekap
2 50 g (1 pakkie) spek, in blokkies
gesny
3 75 g (1 pakkie) Russiese
kaasworsies, in skyfies gesny
30 ml (2 e) vars pietersielie, gekap
375 ml (1½ k) cheddarkaas, gerasper
5 ml (1 t) droë mosterdpoeier
45 ml (3 e) blatjang
500 ml (2 k) vars broodkrummels
sout en peper na smaak
500 ml (2 k) volroommelk
5 eiers
Stel oond op 180 °C.

Metode

1. Smelt botter en soteer ui en knoffel tot ui sag is.
2. Voeg spek by en soteer drie minute. Voeg worsies by en soteer tot gaar.
3. Meng pietersielie, kaas, mosterdpoeier, blatjang, broodkrummels, sout en peper by vleismengsel.
4. Klits melk en eiers saam en voeg by vleismengsel.
5. Skep in ronde, gesmeerde oondbak met 24 cm deursnee en bak vir 40–45 minute of tot gestol in middel.
6. Sit warm of teen kamertemperatuur voor.