Korslose melktert

Hierdie lekker melktert vorm sommer sy eie kors en is boonop  vinnig om te maak

Deur MARLO CARSTENS

Bestanddele

12 porsies

30 ml (2 e) sagte botter
250 ml (1 k) suiker
4 ekstragroot eiers, geskei
250 ml (1 k) bruismeel
2 ml sout
1 ℓ (4 k) melk
2,5 ml vanieljegeursel
2,5 ml amandelgeursel
KANEELSUIKER
10 ml (2 t) fyn kaneel
45 ml (3 e) suiker

LEES OOK: Melkbolletjies

Metode

Stel oond op 180 °C.

1. Melktert Room botter en suiker tot liggeel.
2. Klits eiergele by bottermengsel vir 3 minute.
3. Sif bruismeel en sout. Voeg meelmengsel by bottermengsel en klits tot gemeng.
4. Voeg melk bietjies-bietjies by terwyl geroer word sodat dit gladde mengsel vorm.
5. Klits eierwitte styf en vou by melkmengsel in.
6. Gooi in twee ronde oondvaste tertborde met 20 cm-deursnee wat met kossproei gespuit is.
7. Bak vir 40 minute of tot goudbruin.
8. Kaneelsuiker Meng kaneel en suiker.
9. Sprinkel bo-oor melktert en sit voor.