Koreaanse hoenderhappies

Bedien hierdie Koreaanse hoenderhappies met soetrissie- of brandrissiesous!

Bestanddele

1 eier, geklits
30 ml (2 e) melk
4 hoenderborsies, in 2,5 cm-blokke gesny
90 ml (1/3 k) koekmeel
125 ml (½ k) broodkrummels
SOUS
60 ml (¼ k) rooirissiepasta (chilli paste)
10 ml (2 t) fyn knoffel
20 ml (4 t) heuning
90 ml (6 e) sojasous
2,5 cm vars gemmer, fyngekap
1 00 g (½ pakkie) klein tamaties, in helfte gesny
80g (1 pakkie) mangetout-ertjies, in helfte gesny

Metode

Stel oond op 180 ˚C.

1. Klits eier en melk saam.
2. Rol hoender in meel, dan in eiermengsel, dan in broodkrummels.
3. Pak op bakplaat uit en bak vir 15 minute of tot hoender gaar is. Haal uit en hou eenkant.
4. Sous Laat sousbestanddele vir vyf minute of tot effe dikker kook.
5. Giet sous oor hoenderblokkies en roer tot hoender goed bedek is.
6. Ryg hoenderblokkie, halwe tamatie en halwe ertjie op stokkies. Herhaal, afhangende van grootte van stokkie.