Kolwyntjies van die Paashaas

Maak dié maklike kolwyntjies vir Paastyd wat almal in ’n feestelike luim sal sit.

Bestanddele

125 g (¼ blok) sagte botter
187 ml (¾ k) strooisuiker
3 eiers
5 ml (1 t) vanielje
500 ml (2 k) koekmeel
15 ml (1 e) bakpoeier
knypie sout
125 ml (½ k) melk
VERSIERSEL
125 ml (½ k) sagte botter
750 ml (3 k) versiersuiker, gesif
5 ml (1 t) vanielje
groen koekkleursel
bietjie melk (indien nodig)
smal satynlint vir eiers (ongeveer 3 m
pienk en 3 m groen lint)
24 harde wit versuikerde sjokoladeeiers

Metode

1. Stel oond op 180 °C.
2. Kolwyntjies: Room botter en suiker tot liggeel.
3. Voeg eiers en vanielje by en klits goed.
4. Sif meel, bakpoeier en sout.
5. Roer meel en melk beurtelings by bottermengsel.
6. Skep in kolwyntjiepapiertjies wat in muffinpannetjies geplaas is.
7. Bak vir 12 tot 15 min.
8. Versiersel: Room botter en voeg versiersuiker bietjies-bietjies by. Voeg vanielje en genoeg groen koekkleursel by om dit grasgroen
9. te maak. Voeg bietjie melk by indien versiersel te styf is.
10. Spuit bietjie versiersel op kolwyntjie en plaas wit eier daarin. Spuit lang stervormige grassies rondom eier.
11. Bind lint om elke eier.