Dié smullekker ribbetjies-resep maak 4 porsies.
Bestanddele
1,2 kg ribbetjies, in korter stukkies gesny
genoeg sout en peper na smaak
Sous
60 ml (4 e) bruinsuiker
45 ml (3 e) worcestersous
125 ml (½ k) tamatiesous
80 ml (? k) blatjang
45 ml (3 e) suurlemoensap
Metode
Stel oond op 160 °C.
1 Was ribbetjies onder lopende water. Sprinkel met genoeg sout en peper aan albei kante.
2 Plaas in oondbak van ongeveer 34 cm x 24 cm groot wat met olie gesmeer is.
3 Sous Meng bestanddele vir sous en giet oor ribbetjies. Hou in yskas vir ongeveer een uur.
4 Stel oond op 160 °C en bak vir een uur tot ribbetjies gaar is.
5 Skep van sous oor ribbetjies gedurende baktyd.
6 Sit saam met gaar klein aartappels en geroosterde groente voor.
