Groentetertjies

Sorg dat jou mense hulle groente inkry en maak die lekker groentetertjies

6 porsies

Bestanddele

bietjie olie
1 ui, gekap
5 ml (1 t) vars knoffel, gekap
1 rooi soetrissie, in blokkies gesny
1 groen soetrissie, in blokkies gesny
2 groot murgpampoentjies, grofgerasper
410 g (1 blik) geroomde mielies
3 eiers, geklits
6 grasuie, gekap
30 ml (2 e) vars pietersielie, gekap
250 ml (1 k) vars witbroodkrummels
250 ml (1 k) room
5 ml (1 t) groentespeserye
sout en peper na smaak

Metode

Stel oond op 180 °C.

1. Soteer ui en knoffel in olie tot sag. Voeg soetrissie by en soteer nog twee minute.
2. Skep uiemengsel in mengbak. Roer res van die bestanddele daarby.
3. Skep in ses gesmeerde ramekinbakkies of in groot (jumbo) muffinpanne.
4. Pak op bakplaat sodat dit makliker hanteer.
5. Bedek bakkies of muffinpan met foelie en bak vir 25 minute of tot gestol in middel.