Quiche Lorraine

BROSKORSDEEG

500 ml (2 k) koekmeel

knypie sout

1 ml paprika

125 ml (½ k) cheddarkaas, gerasper

180 g botter

1 eiergeel

90 ml (6 e) yswater

5 ml (1 t) suurlemoensap

VULSEL

bietjie olie

1 ui, fyngekap

15 ml (1 e) vars pietersielie, gekap

250 g (1 pakkie) spek, in stukkies gesny

4 ekstragroot eiers

250 ml (1 k) room

125 ml (½ k) volroommelk

2 ml sout

knypie swartpeper

60ml (4 e) cheddarkaas, gerasper

Stel oond op 180 °C.

1 Broskorsdeeg Sif koekmeel, sout en paprika saam. Roer kaas by.
2 Vryf botter in koekmeel met vingerpunte tot mengsel soos broodkrummels lyk.
3 Klits eiergeel, water en suurlemoensap saam en voeg by meel-en-botter-mengsel tot deeg vorm.
4 Bedek deeg met kleefplastiek en verkoel een uur in yskas.
5 Rol deeg op meelbestrooide oppervlak uit tot ongeveer 4 mm dik en voer losboomkoekpan met 24 cm-deursnee daarmee uit. Prik bodem met vurk.
6 Voer tertkors met bakpapier en boontjies uit en bak blind vir 15 minute.
7 Verwyder bakpapier en boontjies.
8 Plaas tertkors weer terug in oond vir nog vyf minute sodat dit kan droog bak. Haal uit oond en hou eenkant.
9 Vulsel Soteer ui en pietersielie in bietjie olie tot ui sag is. Skep in gebakte tertkors.
10 Braai spek tot gaar en sprinkel in tertkors.
11 Klits eiers tot gemeng. Voeg room en melk by en klits weer tot gemeng.
12 Roer sout, peper en kaas by melkmengsel en roer deur.
13 Giet stadig in tertkors en bak vir 35 minute of tot net in middel gestol.
14 Laat bietjie afkoel en sit louwarm of koud voor.