Gedink gestoomde kos is vaal en vervelig? Geensins! Dis smaaklik en behou boonoop die voedingswaarde.
Deur MARLO KITSHOFF-CARSTENS Foto ANDREA CALDWELL
Bestanddele
VRUGTE
500 ml (2 k) appelsap
250 ml (1 k) water
1 pypkaneelstokkie
3 heel kardemompeule, effens fyngedruk
250 ml (1 k) gedroogde appelringe
250 ml (1 k) gedroogde pere
250 ml (1 k) pruimedante
250 ml (1 k) perskes
paar gedroogde appelkose
STROOP
60 ml (4 e) suiker
15 ml (1 e) mielieblom
JOGURT
250 ml (1 k) laevet- Bulgaarse jogurt
2,5 ml (½ t) fyn kaneel
50 g (½ pakkie) pistasieneute, grofgekap
Metode
1 Sit vrugtebestanddele in mengbak. Laat oornag staan.
2 Plaas klein ronde metaalrakkie in kastrol met geskikte grootte.
3 Giet droëvrugte met sap daarin.
4 Plaas kastrol se deksel op en verhit tot kookpunt, (wanneer borrels vorm).
5 Draai hitte laer ná kookpunt bereik is en stoom vir nog 5 minute tot sag.
6 Verwyder van hitte.
7 Haal droëvrugte uit, asook metaalrakkie.
8 Verwyder kardemompeule en pypkaneelstokkie.
9 Stroop Skep klein bietjie vloeistof uit in geskikte houertjie en meng mielieblom en suiker daarby. Meng by vloeistof in kastrol.
10 Verhit vloeistof weer tot kookpunt. Verwyder van hitte en skep oor gestoofde vrugte.
11 Jogurt Meng bestanddele saam en sit saam met gestoofde vrugte voor.
![Avatar](https://www.vrouekeur.co.za/wp-content/uploads/2019/09/favVk-1-150x150.png)