Gestolde druiwekoek

Ervaar die somer met die soet geur van druiwe met hierdie gestolde druiwekoek

Deur MARLO KITSHOFF-CARSTENS

12 porsies

Bestanddele

KORS
200 g (1 pakkie) Tennis-koekies
60 ml (4 e) botter, gesmelt
VULSEL
360 g (1 blik) kondensmelk
125 ml (½ k) suurlemoensap
250 g (1 bakkie) roomkaas
250 ml (1 k) groendruiwe-vrugtesap
20 ml (4 t) gelatien
DRUIWELAAG
250 ml (1 k) groendruiwe-vrugtesap
250 ml (1 k) groen druiwekorrels, gehalveer
10 ml (2 t) gelatien

Metode

1. Kors Kap koekies fyn in voedselverwerker en roer gesmelte botter by.
2. Druk op bodem van ronde losboomkoekpan met 20 cm-deursnee vas.
3. Vulsel Meng kondensmelk en suurlemoensap. Roer roomkaas by.
4. Sprinkel gelatien oor 60 ml (4 e) druiwesap en laat eenkant om te spons.
5. Verhit res van vrugtesap in mikrogolf tot warm, maar nie kokend nie. Roer gesponste druiwegelatien daarby in tot gelatien oplos.
6. Roer druiwegelatienmengsel by roomkaasmengsel.
7. Giet mengsel bo-op koekiekors en plaas in yskas om te stol.
8. Druiwelaag Spons gelatien in 45 ml (3 e) druiwesap. Verhit oorblywende druiwesap tot warm, maar nie kokend nie. Roer gesponste gelatien by warm druiwesap tot gelatien oplos.
9. Laat mengsel bietjie afkoel. Roer druiwe by en giet oor vulsel.
10. Plaas in yskas tot druiwelaag gestol is.
11. Wikkel koekpan los en plaas op opdienbord. Sit in skywe voor.