Gebakte pynappelpoeding

 Bak ’n lekker souserige pynappelpoeding vir die winter

Deur MARLO KITSHOFF-CARSTENS en SUZANNE CROZIER Foto ANDREA Caldwell

6 tot 8 porsies

Bestanddele

100 g (1/5 blok) sagte botter
312 ml (1¼ k) suiker
2 eiers
5 ml (1 t) vanieljegeursel
440 g (1 blik) fyn pynappel
375 ml (1½ k) koekmeel
7,5 ml (1½ t) bakpoeier
knypie sout
60 ml (4 e) klapper
60 ml (4 e) pekanneute, grofgekap
SOUS
100 g (1/5 blok) botter
125 ml (½ k) suiker
125 ml (½ k) volroommelk
250 ml (1 k) room
5 ml (1 t) vanieljegeursel

Stel oond op 180 °C.

Metode

1. Room botter en suiker saam tot liggeel. 
2. Voeg eiers by en klits. Roer vanieljegeursel by.
3. Giet fyn pynappel saam met stroop by eiermengsel. Roer tot gemeng.
4. Sif koekmeel, bakpoeier en sout saam. Roer klapper en neute by meelmengsel.
5. Roer meelmengsel by eiermengsel tot deeg.
6. Skep deeg in gesmeerde oondbak van ongeveer 20 cm x 30 cm.
7. Bak vir 40 minute of tot toetspen skoon uitkom.
8. Sous Maak sous terwyl poeding bak.
9. Plaas botter, suiker, melk en room saam in kastrol en verhit oor matige hitte. Roer gereeld sodat suiker kan oplos. Prut vir vier minute vandat al die suiker opgelos is.
10. Roer vanieljegeursel by en giet warm sous oor gebakte poeding sodra dit uit oond kom.
11. Sit saam met vla voor.