Gebakte koolskywe is maklik en vinnig om te maak!
4 porsies
Bestanddele
4 groen en/of pers kooltjies
15 ml (1 e) bietjie olie
60 ml (¼ k) gesmelte botter
sout en varsgemaalde peper
2,5 ml (½ t) fyn komyn
knypie paprika
knypie rooirissievlokkies
2,5 ml (½ t) fyn koljander
Metode
Stel oond op 180 ˚C.
- Sny kool in 2 cm-skywe.
- Pak op gesmeerde bakplaat uit.
- Smeer olie oor kooltjies, verf met botter en sprinkel met speserye.
- Bak vir 15–20 minute of tot sag en gaar.
