Gebakte kaaskoek

’n Gebakte kaaskoek bak wel baie lank, maar dis die moeite werd. Sit dit met karamel en versuikerde pekanneute voor

Deur MARELI VISSER

1 koek

Bestanddele

5 groot eiers
500 ml (2 k) suurroom
4 x 240 ml-houers roomkaas
125 ml (½ k) botter
340 ml (13/8 k ) suiker
30 ml (2 e) mielieblom (Maizena)
10 ml (2 t) vanieljegeursel
5 ml (1 t) suurlemoensap
5 ml (1 t) suurlemoenskil
karamelsous
versuikerde pekanneute

Metode

Verhit oond tot 150 °C en bedek losboomkoekpan met foelie aan buitekant.

1. Meng eiers en suurroom.
2. Klits roomkaas en botter tot glad.
3. Meng eier- en roomkaasmengsel tot glad.
4. Voeg suiker, mielieblom, vanielje, suurlemoensap en suurlemoenskil by en meng goed.
5. Skep mengsel in koekpan en plaas in oondbak wat met water gevul is. Die water moet die helfte van die koekpan bedek.
6. Bak vir twee uur en 15 minute of totdat koek liggies begin verbruin en ’n mes skoon uitkom.
7. Skakel oond af en los kaaskoek vir 1 uur in oond.
8. Haal kaaskoek uit oond en laat oornag in koekpan in yskas afkoel.
9. Bedien met karamelsous en versuikerde pekanneute.