8 bolletjies

Bestanddele:

500 ml (2 k) witbroodmeel

45 ml (3 e) suiker

1,25 ml (1/4 t) sout

1 pakkie Anchor-kitsgis

1 eier

160 ml (2/3 k) louwarm melk

30 ml (2 e) sagte botter

1 eier

15 ml (1 e) melk

LEES OOK: Bak ‘n spinasie-en-feta-brood

Metode:

Verhit oond tot 170 °C en berei koekpan deur dit met botter te smeer.

1. Meng witbroodmeel, suiker, sout en gis.
2. Klits eier en meng met louwarm melk.
3. Roer melkmengsel by meel totdat sagte deeg vorm.
4. Knie op meelbestrooide oppervlak vir vyf minute en voeg botter by. Knie vir verdere 20 minute totdat deeg nie meer aan jou hande vassit nie.
5. Vorm ronde bal, bedek met kleefplastiek en laat rys tot dubbel die volume.
6. Verdeel deeg in agt ewe groot bolletjies en pak in koekpan. Bedek met plastiek en laat rys tot dubbel die volume.
7. Klits eier en melk en verf uitgerysde bolletjies versigtig daarmee.
8. Bak vir 25 minute tot goudbruin en gaar.

WENK

Laat rys die deeg op ’n warm plek soos in jou kar se kattebak