Na ’n lang Maandag, is hierdie die perfekte resep vir aandete!
4 tot 6 porsies
Bestanddele
500 g (1 pak) klein skulpiepasta
6 00 g boerewors, gaar en in happiegrootte gesny
1 kop broccoli, in klein blommetjies gebreek en gestoom
sout en peper na smaak
knypie paprika
SOUS
7 2 g (2 x 36 g-pakkies) Creamy Cheese Vegetable Bake
500 ml (2 k) gekookte volroommelk
300 g (1 blik) geroomde sampioene
BOLAAG
187 ml (¾ k) mozzarellakaas, gerasper
Metode
- Kook pasta tot al dente in borrelende soutwater waarby 10 ml olie en 5ml sout gevoeg is. Dreineer, spoel onder lopende water af en roer bietjie ekstra olie deur sodat pasta nie aan mekaar kleef nie.
- Skep pasta in gesmeerde oondbak van ongeveer 30 cm x 20 cm.
- Plaas boerewors op pasta, gevolg deur broccoli, sout, peper en paprika.
- Sous Meng albei pakkies groentesous vinnig by kookmelk en roer vir een minuut.
- Roer geroomde sampioene by. Meng goed.
- Skep sous oor gereg.
- Sprinkel kaas bo-oor en bak vir 20 minute of tot goudbruin.
