Wanneer laas het jy boontjiesop gemaak? Gebruik ons lekker resep!
4 porsies
Bestanddele
500 g droë bruinbone of spikkelbone
1 ui, gekap
5 ml (1 t) fyn knoffel
350 g gerookte varknek, in blokkies gesny
1 ℓ (4 k) hoenderaftreksel
500 ml (2 k) water
Metode
- Laat boontjies oornag in water week.
- Braai ui en knoffel tot sag.
- Roer varknek by en braai effe.
- Dreineer boontjies en gooi by uiemengsel.
- Gooi aftreksel en water by en laat kook tot boontjies heeltemal sag is.
- Geur met sout en peper.
