Bloubessiekonfyt

ongeveer 500 ml

750 ml (3 k) bevrore bloubessies

375 ml (1½ k) suiker

5 ml (1 t) suurlemoensap

2,5 ml (½ t) vanieljegeursel

1. Kook bloubessies en suiker saam in kastrol oor matige hitte tot suiker oplos. Roer gereeld.
2. Voeg suurlemoensap by. Kook konfyt vir nog 15 minute vandat suiker opgelos is oor matige hitte.
3. Wanneer dit ’n konfytkonsistensie bereik, is dit reg. Toets klein bietjie van konfyt op koue piering. Wanneer konfyt vorm behou en nie meer loop nie, is dit reg.
4. Verwyder van hitte en roer vanieljegeursel by.
5. Skep konfyt in klein glasbottels wat met kookwater gesteriliseer is.
6. Draai deksels dadelik op.