Beesvleissop

Namate die aande kouer raak, raak ’n mens lus vir warm tuisgemaakte kos en hierdie resep sal jou nie heeltyd voor die stoof hou nie.

4 porsies

LEES OOK: Maak heerlike spek-en-sampioensop

Bestanddele

bietjie olie
1 ui, gekap
5 ml (1 t) droë pietersielie
400 g beesvleisblokkies
750 ml (3 k) beesvleisaftreksel
410 g (1 blik) gekapte tamaties
375 ml (1½ k) bevrore gemengde groente
125 ml (½ k) droë 4-in-1-sopmengsel (soup mix)
sout en peper na smaak

LEES OOK: Maak geroosterde tamatie-en-soetrissie-sop

Metode:

1. Verhit bietjie olie en soteer ui en pietersielie daarin tot sag.
2. Voeg vleisblokkies by en braai tot goudbruin.
3. Voeg beesvleisaftreksel, gekapte tamaties, bevrore groente en sopmengsel by.
4. Plaas deksel op en laat vir 1½ uur of langer oor lae hitte prut tot vleis uitmekaarval.
5. Geur met sout en peper na smaak. Sit warm voor.