Beesstert

Hierdie resep vir beesstert is werklik ’n treffer

4 porsies

Bestanddele

bietjie olie
2 kg beesstert
sout en peper
125 ml (½ k) koekmeel
2 uie, in kwarte gesny
500 ml (2 k) rooiwyn
250 ml (1 k) beesaftreksel
4 tiemietakkies
1 lourierblaar
420 g (1 blik) tamaties
skil van 1 suurlemoen
300 g (1 pakkie) klein wortels
500 g (½ pakkie) klein aartappels
150 g (½ pakkie) vars groenbone

Maak ook bees-en-sampioen-ragoût

Metode

Stel oond op 150 ˚C.

1. Verhit olie in swaarboompot. Sprinkel beesstert met sout en peper.
2. Rol beesstert in koekmeel en braai in warm pot tot bruin. Hoe bruiner gebraai, hoe ryker sal eindproduk wees.
3. Plaas beesstert, uie, rooiwyn, aftreksel, kruie, tamaties en suurlemoenskil in groot oondpan en bedek met foelie.
4. Bak vir omtrent twee uur.
5. Gooi groente by en bak vir nog ’n uur onder foelie.
6. As dis te waterig is, haal foelie af en bak tot sous verdik.