Hierdie aartappel-roomgebak is ’n lekker bygereg!
4 porsies
Bestanddele
2 groot aartappels
5 ml (1 t) fyn knoffel
1 ui, in halfmaanringetjies gesny
5 ml (1 t) gekapte pietersielie
250 ml (1 k) room
250 ml (1 k) suurroom
sout en peper
Metode
Stel oond op 180 ˚C.
- Sny aartappels in dun skyfies.
- Pak laag aartappels met knoffel, uie en pietersielie. Herhaal tot aartappels op is.
- Meng room en suurroom saam en gooi oor aartappels.
- Geur met sout en peper.
- Bak vir 45 minute of tot aartappels sag is.
