As dit goed gaan met my kinders, gaan dit met my goed. Dít sal alle ouers wat ek ken, beaam
My dogter en seun is nie meer kinders nie – hulle is volwassenes van onderskeidelik 28 en 26 jaar en albei het ‘n geliefde in hul lewe. Dit gaan goed met hulle. So, dit gaan goed met my.
Die artikel op bl 14 oor dinge wat ‘n mens moet uitsorteer voor jy die pad met ‘n lewensmaat stap, het my laat nadink oor watter wenke ek vir my kinders sal gee om te voorkom dat die opwinding van die liefde verdwyn en ‘n verbintenis nie wankel of inmekaartuimel nie. Ek leef immers al langer en weet hoe maklik die liefde kan kwyn en wat dit laat blom. Wees gaaf, sag, ondersteunend, begrypend, liefdevol, waarderend, respekvol, moet nooit skree nie en sorteer verskille op ‘n volwasse manier in ‘n bedaarde stem uit. En onthou om saam te lag!
Eldaleen is die redakteur van Vrouekeur.
