Kersliedere

Vroeë Christene het sekere van die heidense sonstilstandvieringe vir Kersfees oorgeneem, maar mense het Christelike liedjies in plaas van heidense liedjies gesing.
Dit is deur St Francis van Assisi verander toe hy in 1223 toneelstukke met die geboorte van Jesus as tema in Italië begin het. Die mense in die vertonings het liedere gesing wat die storie oorgedra het. Dié nuwe Kersliedere het na ander Europese lande versprei.
Die vroegste Kerslied is in 1410 geskryf. Ongelukkig bestaan slegs ‘n baie klein fragment daarvan vandag nog. Die lied was oor Maria en Jesus wat verskillende mense in Bethlehem ontmoet het.

Die gewilde Kersliedjie Jingle Bells is eintlik vir Dankseggingsdag geskryf. Die lied is in 1857 deur James Morgan gekomponeer en was oorspronklik One Horse Open Sleigh genoem.

Kerskaartjies

Die gewoonte om Kerskaartjies te stuur, is in 1843 in Brittanje deur sir Henry Cole begin. Hy was ‘n staatsamptenaar wat met die opstel van die nuwe openbare rekords-kantoor, nou bekend as die poskantoor, gehelp het. Sir Henry het die idee saam met sy vriend, John Horsley, ‘n kunstenaar, ontwikkel. Hulle het die eerste kaartjies ontwerp en dit vir 1 sjieling elk verkoop.

Kersbome

Die immergroen sipres is tradisioneel gebruik om die winterfeeste te vier. Takke is gebruik om om huise tydens die wintersonstilstand te versier, omdat dit hulle laat dink het aan die lente wat op pad is. Christene gebruik dit as ‘n teken van die ewige lewe saam met God. Niemand is regtig seker wanneer sipresse eerste as Kersbome gebruik is nie. Dit het waarskynlik ongeveer 1 000 jaar gelede in Noord-Europa begin. Dit wil voorkom asof baie van die vroeë Kersbome onderstebo met kettings van die plafon afgehang het.

Geskenke

Goud, wierook en mirre is deur die wyse manne as geskenke aan die baba Jesus gegee. Sint Nicholas was ‘n Christelike biskop wat vir die armes en siekes gesorg het en vorm die basis vir die gewilde karakter van Kersvader.