Gesinsdoelwitte

Jy wil dinge vlotter in jul huishouding laat verloop en meer tyd saam met jou gesin deurbring. Hier is ’n paar doelwitte wat kan help

1. Staan vroeër op om saam rustig te wees voor die dag begin.
2. Probeer om betyds te wees vir afsprake, skool, aktiwiteite en dies meer.
3. Probeer om meer in die buitelug te kom .
4. Pak gesonde middagetes vir die gesin in.
5. Probeer om as gesin aktiewer te leef, stap met die hond of gaan doen ‘n Parkrun Saterdagoggende.
6. Word meer stil. Hou stiltetyd of mediteer.
7. Eet aandete saam.
8. Sit klere in die aand uit om oggende makliker te laat verloop.
9. Sorg dat almal die gesin se reëls en regulasies verstaan.
10. As jy jong kinders het, lees vir hulle saans ‘n storie.
11. Hou ‘n speletjiesaand saam as gesin.
12. Stel vir jou min of meer ‘n weeklikse spyskaart op sodat jy minder by die winkels hoef te stop. Werk vir jouself ‘n blaaskans in!
13. Stel vir die kinders takielysies op.
14. Stel ‘n maandelikse skedule op. ‘n Digitale kalender op almal se slimfone werk goed andersins sal ‘n groot witbord in die kombuis ook werk .
15. Probeer een keer per aand as gesin saam ‘n nuwe resep. Dink aan iets soos ‘n Chinese of Mexikaanse aand.
16. Maak jou kinders deel van begrotingsbeplanning vir die maand. Sit x-bedrag opsy vir gesinspret.
17. As kinders hul kamers skoonmaak, maak hulle bewus van mense in nood. Skenk saam ou klere of speelgoed.
18. Hou nou en dan ‘n tegnologievrye dag waar almal die slimfone en tablette moet bêre en mekaar se geselskap geniet.
19. Ma’s moet onthou om hulself ook ‘n prioriteit te maak. Behandel jouself goed en bederf jouself nou en dan.
20. Se nee vir die dinge wat julle tyd steel en fokus meer op wat julle as gesin gelukkig maak.