Snoesige skulpserp

Hekel hierdie blitsige patroon voor die koue jou betrap

Benodigdhede

Colour Flow (100 g-balle): 2 balle 86383 of kleur van jou keuse 3 mm-hekelpen Naald om los drade mee weg te werk

Grootte

140 cm sonder fraiings, of verlangde lengte

Afkortings en steek verduidelikings

beg = begin, dr = draai, dsl = dubbelslagsteek, gs = glipsteek, h/af = heg af, herh = herhaal, kb = kortbeen, ks = kettingsteek, lb = langbeen, sp = spasie, vlg = volgende

Dubbelslagsteek:

1 Slaan die draad twee maal oor die pen.
2 Steek die pen in die volgende steek.
3 Slaan die draad oor die pen en trek die pen deur die eerste lus sodat daar vier lusse op die pen is.
4 Slaan die draad oor die pen en trek dit deur twee lusse.
5 Slaan die draad oor die pen en trek dit deur die volgende twee lusse.
6 Slaan die draad oor die pen en trek dit deur die laaste twee lusse op die pen.

Patroon

Die serp bestaan uit 3 rye van die dubbelskulppatroon:

1ste ry: hekel 5 ks, (1 dsl, 3 ks, 1 dsl) in die 5de ks vanaf pen, dr.
2de ry: 3 ks, slaan 1ste dsl oor, 9 lb in 3 ks-sp, slaan 1 dsl oor, (1 dsl, 3 ks, 1 dsl) in sp tussen die dsl en beg-5 ks, dr.
3de ry: 3 ks, slaan 1 ste dsl oor, 9 lb in 3 ks-sp, slaan vlg dsl oor, (1 dsl, 3 ks, 1 dsl) in sp tussen die dsl en vlg lb, dr. Herh 3de ry tot verlangde lengte van die serp. H/af.

Vir 2de dubbelskulpry (aan linkerkant van 1ste dubbelskulpry): Herh 1ste en 2de ry.
3de ry: 2 ks, gs deur 1ste dsl van skulp langsaan, slaan 1 ste dsl oor, 9 lb in 3 kssp, slaan vlg dsl oor, (1 dsl, 3 ks, 1 dsl) in sp tussen die dsl en vlg lb, dr.
4de ry: 3 ks, slaan 1 ste dsl oor, 9 lb in 3 ks-sp, slaan vlg dsl oor, (1 dsl, 3 ks, 1 dsl) in sp tussen die dsl en vlg lb, dr. Herhaal rye 3–4 tot verlangde lengte. H/ af.

Vir 3de dubbelskulpry: Draai serp om en volg patroon vir 2de skulpry. H/af.

Fraiings (hekel 16 per serppunt)

Heg aan met kortbeen en hekel 20 ks, 1 dsl in 5de ks vanaf pen, dr.

Vlg ry: 3 ks, 9 lb in lus. H/af.