Hekel hierdie knus serp in ’n sirkel en trek dit oor ’n T-hemp aan

CHRISTA SWANEPOEL

Wat het jy nodig?

3 balle ELLE ARAN KNIT in Moss of

kleur van jou keuse

5 mm-hekelpen

Grootte

Klein-medium (groot-ekstragroot)

Afkortings

dsl – dubbelslagsteek: sit draad 2 keer om hekelpen, steek deur volgende steek of soos aangedui, sit draad om hekelpen en trek lus deur, (sit draad om hekelpen, trek deur 2 lusse) 3 keer.
gs – glipsteek
ks – kettingsteek
lb – langbeen: sit draad om hekelpen, steek deur volgende steek of soos aangedui, sit draad om hekelpen en trek lus deur, sit draad om hekelpen, trek deur 2 lusse, sit draad om hekelpen en trek deur oorblywende 2 lusse
Met 5 mm-hekelnaald maak 120(138) ks lossies en gs in 1ste ks om ring te vorm.

 

Knus serp

1ste rondte: 3 ks (tel as 1ste lb), maak 1 lb in elke ks in rondte, gs in 3de ks aan begin van rondte. 120(138) ste.
2de rondte: Maak 3 ks (tel as 1ste lb), 1 lb in dieselfde st, 2 ks, 2 lb in dieselfde st, *slaan 5 lb oor, 2 lb, 2 ks, 2 lb in vlg lb, herh van * altesame 19(22) keer, slaan 5 lb oor en eindig met gs in 3de ks aan begin van rondte. 20(23) lb-groepe.
3de rondte: gs tot in 1ste ks-lus, 3 ks, 1 lb in dieselde ks-lus, 2 ks, 2 lb in dieselfde ks-lus, 2 lb, 2 ks, 2 lb in elke lbgroep tot einde, gs in 3de ks aan begin van rondte. 20(23) lb-groepe. Herhaal 3de rondte tot werk ongeveer 12(14) cm lank is.
Werk vlg rondte soos volg: gs tot in 1ste ks-lus, 4 ks, 1 dsl in dieselfde ks-lus, 2 ks, 2 dsl in dieselfde ks-lus, werk 2 dsl, 2 ks, 2 dsl in elke ks-lus in middel van elke lbgroep, eindig rondte met gs in 4de ks aan begin van rondte. 20(23) dsl-groepe. Herhaal hierdie rondte tot werk 33(35) cm lank is.
Werk vlg rondte soos volg: gs tot in 1ste ks-lus, 4 ks, 1 kb in dieselfde ks-lus, * 3 ks, 1 kb tussen 2 dsl-groepe, 3 ks, 1 kb in dieselfde ks-lus, 3 ks, 1 kb in dieselfde ks-lus, herh van * altesame 19(22) keer, 3 ks, 1 kb tussen laaste 2 dsl-groepe, 3 ks en gs in 1ste ks aan begin van rondte.
Vlg rondte: 1 kb in 1ste ks-lus, * 3 ks, 1 kb in vlg ks-lus, herh van * tot einde, eindig met 3 ks en gs in 1ste kb aan begin van rondte. Heg af.
Werk randjie aan bokant soos volg: 1 kb in 1ste st, * 3 ks, slaan 1 st oor, 1 kb in vlg st, herh van * tot einde en eindig met 3 ks en gs in 1ste kb aan begin van rondte.

Om te voltooi

Werk drade weg. Sien verpakkingsmateriaal vir versorgingsinstruksies.

SOURCES
Andrea Caldwell