Stroganoff

Bederf jou mense met lekker stroganoff vir aandete

2 porsies

Bestanddele

bietjie olie
300 g repies vleis
5 ml rooivleissout (Steak and Chop & Spice)
125 ml (½ k) koekmeel
1 ui, gekap
5 ml (1 t) fyn knoffel
2 50 g (1 pakkie) sampioene, in skyfies gesny
125 ml (½ k) witwyn
357 ml (1½ k) beesaftreksel
125 ml room of dubbeldik jogurt

Maak ook grondboontjiebeesvleisroerbraai

Metode

1. Verhit olie in swaarboompan.
2. Sprinkel vleis met speserye en rol in meel. Braai tot bruin. Skep uit en hou eenkant.
3. Verhit nog bietjie olie en braai ui en knoffel tot sag.
4. Voeg sampioene by en braai tot sag.
5. Skep vleis terug en gooi wyn by. Laat kook tot wyn helfte afgekook het.
6. Gooi aftreksel by en laat kook tot effe dikker.
7. Gooi room of jogurt by en laat kook tot dikker.
8. Bedien met gekapte pietersielie en pastarys of ciabattabrood.