15 maniere om die band met jou kinders stewig te hou

Die lewe is gejaag en mense leef by mekaar verby. Zerelda Esterhuizen soek 15 maniere om die band met jou kinders stewig te hou

1. Wys jou liefde fisiek. Gee jou kinders gereeld drukkies en hou hulle soms net vas.
2. Sit nou en dan ‘n verrassingnota in hul kosblik of op hul kopkussing.
3. As jou kinders nog klein is, lees ‘n boek saam. Bespreek ‘n boek met groter kinders en stel belang in wat hulle lees en doen.
4. Probeer om gesprekke aan die gang te kry. Vra jou kinders hoe hulle oor kwessies voel en hoe hul dag was.
5. Kyk hulle in hul oë as hulle met jou praat en slaan ag op wat hulle sê en hul lyftaal.
6. Deel jou lewe met hulle. Vertel hulle van wat jy hou en nie en wat als in jou dag gebeur het. Deel ook jou drome.
7. Toon respek vir jou kinders en hul behoeftes en sê dankie as hulle iets vir jou doen.
8. Kyk saam na familiefoto’s en vertel hoe jou grootworddae was.
9. Begin ‘n projek of stokperdjie saam.
10. Eet saam as gesin en gesels hoe jul dag verloop het.
11. Bestee tyd saam in die natuur en leer jou kinders ‘n waardering daarvoor.
12. Leer jou kinders van vroeg af jul gesin se waardes en leer hulle om jul grense te respekteer.
13. As jou kinders jul reëls oortree, waak teen ‘n te negatiewe reaksie en probeer dinge ook uit hul perspektief sien.
14. Speel soms met jou kinders, of dit nou krieket, bordspeletjies of wat ook al is. Dit hou die bande stewig.
15. Lag saam met jou kinders en wys dat dit ook pret is om by die huis te wees.