Sjokoladekolwyntjies met malvalekkerversiersel

Probeer hierdie heerlike en ekonomiese kolwyntjieresep  sjokoladekolwyntjies met malvalekkerversiersel

Click here for the english recipe

Deur MARELI VISSER

20 kolwyntjies

KOLWYNTJIES
3 groot eiers
100 ml water
100 ml olie
250 ml (1 k) strooisuiker
10 ml (2 t) vanielje
330 ml (11/3 k) koekmeel
12,5 ml (2½ t) bakpoeier
2,5 ml (½ t) sout
50 ml (3 e en 1 t) kakao
VERSIERSEL
30 ml (2 e) gelatien
125 ml (½ k) koue water
500 ml (2 k) strooisuiker
125 ml (½ k) kookwater
10 ml (2 t) vanielje
160 g donker baksjokolade

Metode

Verhit oond tot 180 °C en berei kolwyntjiepan met papiertjies voor

1. Kolwyntjies Skei eiers.
2. Klits eiergele, water en olie, gooi strooisuiker stadig by, klits tot lig en voeg vanielje by.
3. Klits eierwitte tot sagtepuntstadium.
4. Sif koekmeel, bakpoeier, sout en kakao en vou by eiergeelmengsel in.
5. Vou eierwitte by mengsel in.
6. Skep in papiertjies, bak vir 12–15 minute en laat afkoel.
7. Versiersel Spons gelatien in koue water en verhit in mikrogolf tot gesmelt.
8. Voeg strooisuiker, kookwater en vanielje by en klits vir 10 minute tot mengsel verdik en wit verkleur.
9. Skep in spuitsak en spuit soos draairoomys bo-op kolwyntjies.
10. Verkoel in yskas tot gestol.
11. Kerf sjokolade en smelt dit in mikrogolf terwyl jy dit gereeld roer. Gooi gesmelte sjokolade in koffiebeker.
12. Haal kolwyntjies uit yskas en doop vinnig in gesmelte sjokolade. Skud liggies om oortollige sjokolade te laat afdrup.
13. Laat staan totdat sjokolade gestol het en bedien.

Wenk

Jy kan die kolwyntjies met malvalekkerversiersel net so voorsit sonder om dit in sjokolade te doop