Mosseltertjies

Hierdie mosseltertjies is ’n wenner! Bederf jou gaste hierdie naweek met dié lekker tertjies

8 tot 10 porsies

KORS
200g (1 pakkie) soutkoekies (green onion and chives-geur)
60 ml (4 e) botter, gesmelt
VULSEL
bietjie olie
1 ui, gekap
5 ml (1 t) vars knoffel, gekap
2,5 ml (½ t) droë pietersielie
1 70 g (2 x 85 g-blikkies) mossels, gedreineer
knypie sout
knypie swartpeper
250 ml (1 k) mozzarellakaas, gerasper
4 ekstragroot eiers
250 ml (1 k) room
125 ml (½ k) melk

LEES OOK: Tuna-en-tjips-tert

Metode

Stel oond op 180 °C.

1. Kors Kap soutkoekies in voedselverwerker fyn en meng goed met die gesmelte botter.
2. Druk vas in tertbord met 22 cm-deursnee of in ses tertbakkies met 8 cmdeursnee wat met botter gesmeer is.
3. Vulsel Verhit olie en soteer ui, knoffel en pietersielie tot ui sag is. Verwyder van hitte.
4. Voeg mossels by uimengsel
5. Geur met sout en swartpeper. Roer mozzarellakaas by.
6. Skep vulsel op soutkoekiekors.
7. Klits eiers, room en melk. Giet stadig oor vulsel.
8. Bak vir 45 minute of tot net in middel gestol. Verminder baktyd met 10 minute wanneer klein tertbakkies gebruik word.
9. Sit warm voor.