Skoonheidswenners: Ons gunstelingprodukte

Artistry Ideal Radiance Illuminating Moisture Cream (R656,50) spog met interessante bestanddele soos drop, granaat en proteïen van pêrels. Hierdie bevogtiger help om die vel se vogbeskermende lagie te herstel.

www.amway.co.za

“Ek het met die eerste aanwending al geweet hierdie ryk en luukse vogroom gaan goed wees. Dit is sysag en voedend en jy kan behoorlik voel hoe dit die vel streel.”

“Dié jelooggrimeringverwyderaar haal oogskadu maklik af en werk goed om ligte grimering te verwyder. Die aanwysings sê dat ’n wattebolletjie met warm water natgemaak moet word alvorens jy die jel daarop drup, maar dit het dieselfde effek op ’n nat óf droë watteballetjie.”

Chrissanthie Eye Lid Cleanser (R200 – R220 vir 30ml)
Lang, welige wimpers is maklik bereikbaar met behulp van vals wimpers of wimperverlengings.

Maar om ooggrimering (en vals wimpers) af te haal is soms ’n tydsame proses. Met die tydsaamheid moet ons maar vrede maak, maar minstens is daar nou ’n ooggrimeringverwyderraar wat wimpers in ag neem.

Chrissanthie Eye Lid Cleanser is ’n “oogsjampoe”. Dit is ideaal as ’n nasorgproduk vir dié wat wimperverlengings op het, want dit ontbind nie die gom nie. Ideaal om te gebruik as jy met rooi, krapperige oë sukkel. www.thelashcollection.co.za

Wenk Bly eerder weg van swaar, waterbestande ooggrimering as jy wimperverlengings of sensitiewe oë het.

3 Nivea Cocoa Butter Body Moisturiser (R29,99 vir 250 ml) "Dis só lyflekker. Die room is nie te dik nie, maar voedend genoeg dat jy dit nie elke halfuur hoef aan te smeer nie. Die geur is heerlik en die room laat my vel sysag voel." – Anlie

"Dié produk het my witwintervel sommer vining verdoesel. Palmer’s Cocoa Butter Formula Natural Bronze Tanning Moisturizer (R139 Dis-Chem) is maklik om aan te spuit en maak nie strepe of vlekke nie. Dit lyk natuurlik en is ’n kitsoplossing as jy vinnig bruin wil wees sonder om ure in die son te lê.”

Wenk Gebruik dit daagliks of soos nodig om die regte "sonbruin" kleur vir jou te skep. Spuit van 10 cm af en onthou om in te vryf.

3 Je’Maine van Kradenburg – Kunsredakteur
Justine LUXE Liquid Eyeliner (R179) vir ’n voorkoms wat jou oog vang.
“Ek gebruik graag vloeibare oogomlyner en hierdie een is maklik om aan te wend en nog beter, maklik om af te haal. Die spitspuntjie wend glad en reguit aan.”
www.justine.co.za

4 Revlon ColorStay Moisture Stain (in Stockholm Chic) (R169)
Met ’n formule wat vitamien E en aalwyn insluit kan jy verseker wees dat Revlon ColorStay Moisture Stain sag op die lippe sal wees.

Zerelda – Adjunkredakteur

“Ek dra baie min lipstiffie omdat dit altyd so vinnig afkom, maar Revlon se Colorstay Moisture Stain het my aangenaam verras. Dit wend maklik aan en bly ’n hele rukkie aan. Lipglans voel dikwels klewerig, maar die produk het beslis nie die probleem nie.”