Vinnige calamari

Of jy nou vis en tjips eet of seekos kreatief in die kombuis aanwend, dit bly heerlik. Bederf jouself en jou mense met heirdie vinnige calamari resep

Deur MARLO KITSHOFF-CARSTENS

4 porsies

Bestanddele

800 g calamari-ringe
20 ml (4 t) visspeserye
10 ml (2 t) paprika
30 ml (2 e) koekmeel
3 ml knoffelsout
knypie swartpeper
750 ml (1 bottel) olie vir diepvetbraai
SOUS
125 ml (½ k) mayonnaise
60 ml (4 e) soetrissiesous
2 grasuie, gekap
handvol vars koljanderblare, gekap
½ rooi brandrissie, gehalveer, ontpit en fyngekap

LEES OOK: Skelvistagliatelle

Metode

1. Plaas calamari-ringe in plastieksakkie.
2. Voeg visspeserye, paprika, koekmeel, knoffelsout en swartpeper by. Skud sakkie sodat calamari met meelmengsel bedek word.
3. Verhit olie tot goed warm en braai calamari tot goudbruin.
4. Plaas calamari op kombuispapier om ekstra olie te absorbeer.
5. Sous Meng bestanddele vir sous en skep in opdienbakkie.
6. Sit warm saam met sous en lemmetjie- of suurlemoenskyfies voor.