Siebert Baartman is die afgelople 14 maande die uitvoerende sjef by The Willow Historical Guest House op Willowmore.
Maryke Roberts
Hy vertel dat sy belangstelling in kos beslis uit sy ouma se kombuis kom. Hy het sy diploma by Warwicks Chef School op Hermanus verwerf. Hy sit vanjaar sy studies in besigheidsbestuur voort wat ‘n goeie agtergrond vir die bestuur en eienaarskap van ‘n restaurant sal bied.
Wat is jou terugval dis indien jy iets moet kook?
Lasagne.
Wat is die een dis wat jou friende of familie telkemale voor vra en jy oor en oor moet maak?
My bees en bier pastei.
Hoe sal jy jou kosstyl tuis beskryf?
Gebalenseerd, gesond met ‘n tikkie boeretroos.
Wat is vir jou belangrik by die bediening van kos?
Die bord moet aantreklik en vullend lyk, die tafel moet netjies en reg gedek wees.
Wat was die romantiese maal wat jy nog geniet het?
Dit was saam met my meisie – die eerste keer wat sy vir my tunapasta gemaak het met kerse, sagte musiek en witwyn.
Wat is jou slegste maal ooit?
Malvapoeding met sout in plaas van suiker, was nog nooit ‘n wenner nie!
Watter kosreuk herinner jou aan jou ouma en oupa?
Skaapboud met rys en aartappels.
Watter drie bekende menses al jy nooi vir aandete en hoekom?
Jeremy Clarkson, Richard Hammond en James May. Hulle het my my liefde vir karre gegee.
Wat sal op jou spyskaart wees?
Uhmmm, ‘n Beef wellington.
Wat is trooskos vir jou?
Ek noem dit “cowboy” kos. My pa se manier van kook as ons nie weet waarvoor ons lus is nie.
Watter krui of spesery gebruik jy die graagste in jou kos en watter krui dink jy kry nie genoeg aandag in suid-afrikaners se kombuise nie?
Vars koljander.
Wat is jou lewensleuse?
“No expectations, expectations always hurt.”
Is daar een dis wat jou vrou, broer, ma, suster, maak waaroor jy mal is en waarvoor jy gereeld vra as jy nie lus is vir kook nie?
My meisie se maalvleis en spaghetti.
Watter een bestandeel kikker vir jou enige maaltyd op?
‘n Ui.
Wat is jou gunsteling kookboek?
Practical cookery se twaalfde uitgawe.
Wat is jou doodsonde met kos?
Bruin soet patats.
Wat is jou een gehein vir ‘n lekker bredie of sop?
Dit moet stadig kook.
Wat is jou gusteling kosbestemming?
Food Lover’s Market
Is daar een dis wat jy nie eet nie en ook nie graag berei nie?
Afval.
Wat is jou gunsteling wyn en met watter dis drink jy dit graag?
Diemersfontein Pinotage, saam met ‘n beesfillet.
Wat was jou grootste kombuisflater?
Geduld. Wanneer ek gaste het, moet ek kos maak. Dis moeilik om te wag vir bestellings.
Waarvan droom jy?
Om eendag ‘n klein plekkie op die Weskus te besit wat opregte Karookos maak, vir dié wat Karoo toe verlang.
Na watter sjef kyk jy op?
Marie-Antoine Carêm (king of chefs-chef of kings).
Siebert Baartman van The Willow Historical Guest House op Willowmore se geroosterde beesfillet met wortelpuree en roosmaryn demi-glans
Bestanddele vir een porsie, pas aan vir die hoeveelheid gaste:
250g beesfillet
400 ml goeie roosmaryn demi-glans
2 wortels
1 aartappel
Sout en peper
1 takkie roosmaryn
1 knypie kaneel
1 uie
Maizena
Olie vir braai
Vir die demi-glans:
Om die demi-glans te maak, kook jy lamskenkelbene met ‘n takkie roosmaryn in, stadig, tot die helfte weggekook het.
Metode
Smeer die fillet met sout en peper en laat dit goed intrek.
Sny die ui in ringe en weer in die helfte en laat staan in die Maizena. Net voor opdiening, gooi die ringe in warm olie en bak tot goudbruin.
Skil die aartappels en wortels en sny op. Kook sag en druk fyn en meng die kaneel, sout en peper by, en meng goed.
Braai die fillet soos jy dit geniet en bedien met die wortelpuree onder, die fillet bo-op en garneer met die uieringe.
SOURCES
Clifford Roberts
