Klam sjokoladekoek

Die geheim van ’n lekker donkersjokoladekoek is goeie kakao. Hierdie klam sjokoladekoek kry ook ’n pakkie kitspoeding in wat dit ekstra klam maak

 1 koek

Bestanddele

410 ml (12/3 k) koekmeel
180 ml (¾ k) kakao
1 pakkie sjokoladekitspoeding
10 ml (2 t) bakpoeier
5 ml (1 t) koeksoda
5 ml (1 t) sout
2 groot eiers
250 ml (1 k) karringmelk
125 ml (½ k) olie
5 ml (1 t) vanielje
500 ml (2 k) ligte bruinsuiker
250 ml (1 k) kookwater
10 ml (2 t) koffiepoeier
1 blik gekookte kondensmelk
sjokoladeversiersel
karamel-springmielies

Metode

Verhit oond tot 180 °C.

1. Spuit twee koekpanne van 22 cm in deursnee met kleefwerende kossproei.
2. Sif meel, kakao, kitspoeding, bakpoeier, koeksoda en sout saam.
3. Klits eiers, karringmelk, olie, vanielje en bruinsuiker saam.
4.  Vou meelmengsel by eiermengsel in.
5. Meng kookwater en koffiepoeier.
6. Vou warm koffiemengsel geleidelik by deeg in.
7. Gooi deeg in panne en stamp liggies.
8. Bak vir 45 minute.
9. Laat oornag afkoel.
10. Versier met gekookte kondensmelk en sjokoladeversiersel en sprinkel springmielies bo-oor.